ولیبال یوه لوبه ده چې د توپ سره د ولیبال په میدان کې چې په مینځ کې یې یو جالي چې 2,43 متر جګ والې لري لوبول کیږي. دو ټیمونه د یو بل په مقابل کې لوبه کوي چې هره ډله شپږ لوبغاړي لري. په ولیبال کې ډیر له لاسونو څخه کار اخیستل کیږي تر څو توپ د جالې د سر نه د میدان له یوې خواه د میدان بلې خواه ته وارتوي او هدف په کې دا ده چې توپ د حریف د میدان په ځمکه ووهل شي.

دا هم اجازه لري چې د بدن نورې برخې د توپ وهلو لپاره وکاروي، پرته له ټاکل شوي ځاې څخه. مخکې له دې څخه چې توپ د حریف میدان ته واستول شي هر ټیم کولاې شي چې توپ درې ځله یو بل ته واچوي. ددې لپاره چې یو ټیم د ولیبال مسابقه وګټي نو هغه ټیم باید کم له کمه درې مکمله سیټونه وګټي او څلور لومړني لوبه یی په مجموع کي 25 نمری لري. پینځم سیټ د لوبې یوازی 15 نمرې لري. ددې لپاره چې یو سیټ وګټل شي نو د حریف د ټیم څخه باید دوه نمرې ډیرې یوسي. ولیبال یوه مشهوره سپورت ده چې په ټول کال کې کیدای شي چې ولوبول شي، او هم کوچنې او هم لویې سیالې ترتیب کیږي.