ካያክ ዝብሃል ኣብ ነዋሕን ቀጣንን ታንኳ ዄንካ ኣብ ማይ ብምጅላብ እትገብሮ ዓይነት ስፖርት እዩ። ኣብ ካያክ፡ እቲ መጀለቢኻ ብኽልቲኡ ጫፉ ጸፊሕ እዩ። ብካያክ ምጅላብ፡ ንምሉእ ሰብነትካ ጠቓሚ እዩ። ከመይሲ፡ ክልቲኡ ኣእጋርካን ቀላጽምካን ከብድኻን ሕቘኻን ይንቀሳቐስ እዩ። ካያክ ኣካላዊ ምውስዋስ ክትገብር ዝሕግዝ ኣር ርእሲ ምዃኑ፡ ብተፈጥሮ ክትድሰት ዝሕግዝ ጽቡቕ ናይ ደገ ስፖርት እውን እዩ።

ናይ ካያክ ጻውቲ፡ እተፈላለየ ዕድመ ንዘለዎም ክኢላታትን ጀመርትን ዝኸውን እተፈላለየ ደረጃታት ኣለዎ። ካያክ ዘይትውንን እንተ ዄንካ፡ ካብ ክለብ ክትካረ ትኽእል ኢኻ። ኣብቲ መካረዪ ድማ ርጉኣት ናይ ጀመርቲ ታንኳታት፡ ፈጣናት ታንኳታት፡ ኣካላዊ ስንክልና ንዘለዎም ዝዀና ታንኳታት ክትረክብ ትኽእል ኢኻ። ኣብ ናይ ካያክ ክለብ እተፈላለየ ደረጃታት ጻውቲ ኣሎ፣ ገሊጾም ኣብ ርጉእ ማያት ይስልጥኑ፡ ገሊኦም ምጅላብ ጕዕዞ ይገብሩ፡ ገሊኦም ከኣ ኣብ ናይ ማራቶን ምጅላብ የተኵሩ። ሰለዚ፡ ጻውቲ ካያክ ንዅሉ ሰብ ክፉትን ኵሉ ሰብ ክሳተፈሉ ዝኽእልን እዩ።