4H د هېواد په کچه یو سازمان دی چې شاوخوا 15000 ځوان نارویجني غړي لري او په ځايي فصلونو کې په ټول هېواد کې وېشل شوي دي. 4H غواړي فعاله او بامسولیته ځوانان وروزي چې په ټولنو کې ښکېل وي او طبیعت او انسانانو ته درناوی ولري. 4H یو بې ډلې، غیر سیاسي او له ګټې پرته سازمان دی. عمده ارزښتونه یې: څرګنده لاره، ګرم زړه، هوښیار لاسونه او ښه روغتیا دي.

د 4H د غړي په توګه، تاسو ټول کال په ګڼو مختلفو فعالیتونو کې ګډون کولی شئ، هم بهر او هم دننه. په 4H کې، تاسو کولی شئ نوي دوستان ومومئ، د نباتاتو او حیواناتو په اړه پوهه لاسته راوړئ، له نورو سره په پیاده تګ، سفرونو، کورسونو او کمپونو کې یو ځای شئ، یا په خپله ځايي ټولنه کې، په ټول هېواد کې یا له هېواده بهر. کلبونو کې ښايي د والیبال لوبه وشي، د سټیج سر نندارې یا په تپو باندې د ختلو فعالیتونه. نور ښایي پر غرونو د ختلو یا د کبانو نیولو فعالیتونه غوره کړي. د 4H د یوه غړي په توګه، تاسو کولی شئ په دې پرېکړه کې مرسته وکړئ چې څه ډول طبیعت، کلتوري، روغتیايي یا ټولنیز فعالیتونه غواړئ ترسره کړئ. شونتیاوې او امکانات بې حده دي او یوازې یې ستاسو تصور محدودولی شي. 4H ګڼ، په زړه پورې، له ساعت تېرۍ ډک او ننګونکي فعالیتونه وړاندې کوي. آیا غواړئ له موږ سره یوځای شئ؟