سکیټ بورډ یوه کم سورې تخته وي چې پر څلورو ارابو پرته وي. ډېرۍ خلک دا د تللو راتللو د یوې بڼې په توګه کاروي او د اوزګار وخت د فعالیت په توګه یې هم کاروي. پر سکیټ بورډ د سپرلي کولو پرمهال سپرلي کوونکی لږ شان کوږ دریږي او د اړخ بدلولو لپاره ګڅ او ښی خوا ته د خپل بدن وزن کاروي.

په پیل کې سپرلي کوونکي خپله یوه پښه پر بورډ ایښودله او پر بله به یې مځکه وهله ترڅو بسیا رفتار ترلاسه کړي. پر سکیټ بورډ تللو کې د تولې ښه احساس او ښه انسجام دواړه اړین وي. په دې لوبه کې ګڼ شمېر مسابقې ترتیبولی شي. د مسابقې پر سکیټ بورډ تللو کې دوه مهم فعالیتونه دي ورټ سکیټ بورډینګ او د کوڅې سکیټ بورډینګ. په ورټ سکیټ بورډینګ کې لوړ ټوپونه او رېونده لارې شاملې وي او یو شمېر یا یو لړ چلونه کول هم شامل وي. د کوڅې سکیټ بورډینګ د ښار د کوڅو په سیمه کې کیږی یا د سکیټ بورډ په پارکو کې کیږی چیرته چې سپرلي کوونکی پر لاسي کټارې په کښته ښویېدلو یا پر زینو په کښته ټوپونه وهلو یا دې ته ورته چلونو کولو لپاره راز راز شیان او خنډان کاروي.