ኣብ ኖርወርይ ጻውቲ ፐይንትቦል (ናይ ቀለም ኵዕሶ) ዘለዎ ክለብ ሄልገን ክለብ ስፖርት ጥራይ እዩ። ኣስታት 10 ዓመት ድማ ጌርና ኣለና። ተጻወትቲ ፐይንትቦል፡ ማስኬራ፡ ነቲ ናይ ቀለም ኵዕሶ ዝትኵስሉ መተኰሲ፡ ናይ ቀለም ኵዕሶ ዝሕዙሉ ካዝና ኣለዎም። እቲ ናይ ቀለም ኵዕሶ ነቲ መወዳድርቲ፡ ንመኸወሊ፡ ወዘተ ምስ ሃረመ ተቐዲዱ ቀለም የፍስስ። ኣብቲ ጻውቲ ኵሉ ዓይነት ዕድመን (እቲ ማስኬራ ዝኣኽሎ እንተዀይኑ) ጾታን ዘለዎ ሰብ ክሳተፍ ይኽእል እዩ።

ኣብቲ ጻውቲ ዝሳተፉ ካብ 9-50 ዝዕድሚኦም ኣወዳትን ኣዋልድን ተጻወትቲ ኣለዉ። ገሊኦም ንመሕለፍ ግዜ ዝጻወቱ እኳ እንተ ዀኑ፡ ገሊኦም ግና ኣብ ዓበይቲ ውድድራት እውን ይሳተፉ እዮም። እዚ ግና ኣብ ድሌትካ እተመርኰሰ እዩ። ናይ ጫካ ጻውትን ኣብ ደገ ዝካየድ ናይ ዙር ግጥምን ኣሎና። እቲ ጻውቲ ዝጅመር ናይ በረድ ወቕቲ ምስ ተወድአ እዩ፡ ኣብ ጥቅምቲ ድማ ይውዳእ። ኵሉ ሰብ ዘለዎ ክእለት ብዘየገድስ ክሳተፍ ይኽእል እዩ። እቶም ክእለት ዘለዎም ተጻወትቲ ነቶም ጀመርቲ ከሰልጥንዎም ባህ ይብሎም እዩ። ብናጻ እትልቅሖ መጻወቲ ናውቲ ኣሎና። ነቲ ኵዕሶታት ግና እቶም ተጻወትቲ ባዕሎም እዮም ዝዕድግዎ። (100 ክሮነር ን500 ኵዕሶ)