غوټه وهل د اوبو لاندې یو فعالیت دی چې یا د یوه شوق او تفریحي فعالیت په توګه ترسره کېدای شي یا د یوه رقابتي لوبې په توګه. د لوبې لپاره په رقابتي ډول غوټه وهل په دوه ډوله دی: آزاده غوټه، چې لوبغاړي په کې د اوبو لاندې خپله ساه نیسي، یا له یوې وسیلې سره غوټه چې دا ډول یې ډېر عام دی. دې ته سکوبا غوټه وايي. سکوبا غوټه وهونکي یوه لمده جامه یا وچه جامه، او داسې وسایل کاروي چې په ساه اخیستلو کې ورسره مرسته وکړي، او دوی ته فرصت ورکړي چې تر ډېرې مودې د اوبو لاندې پاتې شي.

د اوبو لاندې ګڼ مختلف فعالیتونه شته. مشهورو تفریحي فعالیتونو کې سمندري بیولوژي او سمندري لرغونپوهنه، دغه راز د اوبو لاندې ښکار (د نېزې په مټ کبان نیول) شامل دي. د غوټې د ډګر په رقابتي لوبو کې ډله ییزې لوبې لکه د اوبو لاندې رګبي او د اوبو لاندې هاکي، د اوږد واټن لامبو د لامبا له پکي سره (د پکي لامبو)، د اوبو لاندې عکاسي او د اوبو لاندې ښکار شامل دي. سکوبا غوټې لپاره د غوټې یو سند لازم دی. هر څوک چې ښه روغتیا ولري د غوټې په فعالیت کې ګډون کولی شي، خو د سږي نورمال فعالیت اړین دی، او په عمومي ډول د غوټې کورس اخیستلو لپاره یوې صحي ازموینې ته اړتیا شته.