ትሪያትሎን ዝብሃል ምሕምባስን ብብሽክለታ ምውድዳርን ጕያን ጠሚሩ ዝሓዘ ናይ ተጻዋርነት ስፖርት እዩ። ርሕቀት ናይቲ ውድድራት እተፈላለየ እዩ፣ ኣብ መንጎ ዕረፍቲ ከይገበርካ ድማ ኢኻ ነቲ ውድድራት ብሓንሳእ እትውድኦ፣ ናይ ኵሉ ድምር ሰዓታት ድማ ይቝጸረልካ። እቲ ውድድር ሰዓታቱ ይቝጸር እዩ፣ ኵሎም ተወዳደርቲ ድማ ብሓንሳእ እዮም ዝጅምርዎ።

እቲ ውድድር ኵሉ ሳዕ ብምሕምባስ እዩ ዝጅመር፡ ክሳዕ እቲ ናይ ብሽክለታ ውድድርን ጕያን ዝካየድ ከኣ ይቕጽል። እቲ ካብቲ ሓደ ውድድር ናብቲ ኻልእ ክትሰጋገር ከለኻ እተሕልፎ ግዜ እውን ኣብ ድምር እቲ ናይ ውድድርካ ግዜ ይቝጸር ወይ ይሕሰብ እዩ። ትሪያትሎን ITU ብዝብሃል እተፈልየ ኣህጉራዊ ፈደረሽን እዩ ዝመሓደር፣ ኣብ ኖርወይ እውን ነዚ ዘመሓድር ኣብ ትሕቲ ፈደሬሽን ስፖርት ኖርወይ ዝዀነ ፈደረሽን ትሪያትሎን ኖርወይ ዝብሃል ማሕበር ኣሎ።