Reinparken er ein sosial møtestad for uorganisert aktivitet, der temaet er villrein. Parken inneheld eit flott sykkelanlegg, som består av ein pumptrack (asfaltert bane), hopplinje (hoppbakke for sykkel), ferdigheitsløype i skogen, og etter kvart ein «wallride» (sykkelvegg) i treverk til å sykle på. I tillegg går det ein sti/joggeløype gjennom området og skogen i bakkant av sykkelanlegget, som bind heile parken fint saman. Joggeløypa er om lag 1,2 km lang, og går i flatt terreng. Her kan ein rusle eller trille gjennom skogen på ein universell tilrettelagt sti av grus.

Når heile parken er ferdig, vil det også vera tilrettelagt med ein badekulp i vestenden av parken, slik at ein har fleire aktivitetsmoglegheiter på staden. Det vil også koma kule sitjeplassar i området, der ein vil kunne slenge seg ned, å «henge» - bokstaveleg talt. Temaet villrein vil dukke opp fleire stader på ulike måtar. Reinparken ligg sentralt tilknytt E-134, skule, barnehage og helsehus på Edland, og vil vera eit heilårsanlegg. Velkomen!