Fotball er den mest populære lagidretten i verda. Det er eit ballspel som går føre seg på fotballbanar ute, to lag mot kvarandre. Det er opp til 11 spelarar på kvart lag. Det laget som scorar flest mål, vinn kampen.

Ein fotballkamp er delt i 2 omgangar. Kvar omgang er på mellom 20 og 45 min, avhengig av alderen på dei som spelar. Keeper brukar hender og føter for å hindre at motspelarane sparkar ballen i mål. Kvart lag har sine spelarar i forsvar, på midtbanen, eller i angrep. Det er viktig å ha eit godt samspel i laget. Gode fysiske eigenskapar og god ballmeistring er sentralt i fotball. Fotball er difor både sosialt og utviklande. Alle som har lyst kan starte med fotball.